طريقة عمل البرياني_اهداء الى وسيم وابو يحيى وابو نعيم

السلام عليكم

هذه طريقة عمل البرياني كما وعدت ابو يحيى ونادر(ابو نعيم)

نبلش

المقادير:
- دجاجه مقطعه الى اربع او خمس قطع
- كوب ونصف زيت ذره
- 4 حبات بصل متوسط الحجم مبشور
- قرن فلفل حار (حسب الرغبه) اختياري
- رأس ثوم مبشور
- حبة زنجبيل صغيره مدقوقه
- حبتين فلفل اخضر حلو الكبير (فليفله) مقطعه قطع صغيره ناعمه
- كيلو بندوره حمرا مبشوره
- ضمه كزبره خضراء
- حبتين بطاطا متوسطة الحجم مقشره فقط
- كيلو ارز بسمتي (ليس امريكي) بسمتي هندي او باكستاني
- معلقتين معجون طماطم (صلصة بندوره معقوده)

البهارات
- ملح - فلفل اسود - كاري - هيل مطحون- بهارات مشكله - ورق غار- قرفه ناعمه وعودان-

الطريقه:

1- نغسل الدجاج جيدا ثم ننقعه لمدة نصف ساعه بالملح والفلفل الاسود والكاري والهيل المطحون والقرفه المطحونه والبهارات المشكله.
2- نقلي الدجاج بالزيت على نار حاميه حتى يحمر ( ليش شرط ان ينضج بل فقط يحمر)
3- نرفع الدجاج بعد احمراره في وعاء ونضعه جانبا
4- نقلي البصل والثوم والزنجبيل المدقوق والفلفل الحار حتى يذبل بنفس الزيت الذي قلينا به الدجاج
5- نضع فوق البصل الفلفل الاخضر الحلو(الفليفله) حتى تذبل
6- نضع البندوره المبشوره فوق الخليط السابق ومن ثم نضيف جميع البهارات المذكوره معلقه من كل نوع عدا الكاري معلقتين
7- بعدما تنضج البندوره مع البهارات نضيف الكزبره الخضراء مفرومه ناعمه
8- نضيف الدجاج المقلي المحمر على خليط البندوره ونقليهم قليلا ثم نضيف لترا من الماء ونضع حبات البطاطا المقشره كما هي في القدر ونغطي القدر حتى ينضج الدجاج.
9- ننشل البطاطا من القدر مع قليل من المرق ونضعهم بقدر اخر ونضيف اليهم معجون الطماطم وندعهم ينضجوا قليلا ويمكن وضع قطعه ماجي لكي تعطيها نكهه .
10- بعد ذلك نضيف الارز المنقوع فوق قدر الدجاج والمرق حتى ينضج ، و بامكانك نشل الدجاج ايضا قبل وضع الارز ووضعه بالفرن لكي يشوى مع وضع عليه قليلا من المرق ، ويفلفل الارز بالمرق والخلطه بدون الدجاج بامكانك عمل الطريقتين

وتقدم معه الصلصه مع البطاطا والصلطه واللبن وصحتين وعافيه على قلوبكم جميعا

اي استفسار انا جاهزه

تحيااااااااتي

نيالكم يا وسيم وابو يحيى وابو نعيم
اعمليلي قدرة يا نسرين
الله يخليكي

شكرا نسرين صحيح انه طعامك مميز كتير

انا بستنى اجي عالاردن عشان اكل من طعامك اللذيد الي من نفس طيبه

هههههههههه

اولا شكرا يا اختي نسرين على طريقة التحضير وان شاء الله قريبا جدا رح نطبق الوصفه ونقول لك راينا مع انو رايي معروف


وبعدين يا جماعه الاخت نسرين نزلت الوصفه للجميع للي بحب يسرق الطريقه ما رح ناخد منو اكثر من وجبه ههههههه


شكرا كثير ام احمد

شكرا كثير كثير

بس ما بدي وصفه ... بدي اكلة جاهزه من اديكي

بستناكي تيجي على الخليل

يا جماعه الاكله للجميع كل الاعضاء يتفضلوا معزومين هون وعلى حسابي الخاص بس ما تزعلوا

وشكرا لمروركم جميعا

abu anwar كتب:

نيالكم يا وسيم وابو يحيى وابو نعيم
اعمليلي قدرة يا نسرين
الله يخليكي

والله ياخالي لو بعرف من عيوني بس هي الاكله اختصاص خلايله مابعرف اعملها انا اختصاصي هندي

اخت الشهيد كتب:

صحتين وعافية عقلبكم...
انا سرقت الوصفة على رأي الاخ ابو يحيى
ولكن للاسف... كيلو ارز بسمتي (ليس امريكي) بسمتي هندي او باكستاني..ما بعرفه هذا
لا يوجد بسمتي لا هندي ولا باكستاني ولا غيره
انا عندي ارز شقحة او ابو غربية....اي واحد بزبط

نورتي وعطرتي صفحتي بمرورك ام عبد الرحمن

اما بالنسبه للرز مابعرف الاسماء اللي قلتي عليها اسالي امي بتقلك بس اكيد بتلاقي ارز بسمتي عندكم مش معقول ما يكون موجود على كل اسالي امي عنه بتقلك اي رز تستخدمي

ويا هلا فيكي

وسيم كتب:

شكرا كثير كثير

بس ما بدي وصفه ... بدي اكلة جاهزه من اديكي

بستناكي تيجي على الخليل

شكرا لمرورك العطر وسيم
مشي حالك بهالوصفه لبين ما اجي على الخليل

شكرا نسرين بارك الله فيكي
[ندعوك للتسجيل في المنتدى أو التعريف بنفسك لمعاينة هذه الصورة]

وانا مو معزومه نسرين

يسلمووو ايديكي نسرين
هاي الاكله كتير طيبه

يسلمو اخت نسرين عالاكلة الزاكية

[ندعوك للتسجيل في المنتدى أو التعريف بنفسك لمعاينة هذه الصورة]

العز لرز
[ندعوك للتسجيل في المنتدى أو التعريف بنفسك لمعاينة هذه الصورة]

شكرا للجميع على المروووور وانشالله صحتين وعافيه على قلوبكم جميعا